ესპანურის არცოდნის გამო - ლუნინი სკანდალში გაეხვა

ესპანეთის საფეხბურთო ჩემპიონატის XXIX ტურის შეხვედრის დასრულების შემდეგ, ანდრეი ლუნინი სერიოზულ სკანდალში გაეხვა. „ლეგანესის“ (3:2) დამარცხების შემდეგ, სამეფო კლუბის უკრაინელმა მეკარემ აღნიშნა, რომ ისინი ყველა მეტოქეს არბიტრების დახმარების გარეშეც უნდა ამარცხებდნენ, რამაც ბუნებრივია სერიოზული სკანდალი გამოიწვია. მოგვიანებით კი, ლუნინმა საკუთარ კომენტართან დაკავშირებით კომენტარი გააკეთა.

რა თქვა ლუნინმა

სერიოზული გაუგებრობა მოხდა, რაც ალბათ უპირველეს ყოვლისა იმის ბრალია, რომ ესპანურ ენას ჯერჯერობით ძალიან ცუდად ვფლობ. ჟურნალისტებმა ჩემი სიტყვების არასწორი ინტერპრეტაცია მოახდინეს და შედეგიც სახეზეა. „ლეგანესთან“ გუშინდელი ტრიუმფი სრულიად დამსახურებულია და ჩვენს ღირსეულ გამარჯვებას ეჭვქვეშ ვერავინ დააყენებს.

ცნობისათვის, ანდრეი ლუნინმა წლევანდელ სეზონში ესპანეთის ლა ლიგაში ჩატარებული 5 მატჩიდან ორში საკუთარი კარი მშრალად შეინახა და საერთო ჯამში 7 გოლი გაუშვა.