ოფიციალურად - ეროვნული ნაკრები ამხანაგურ მატჩს 5 ივნისს გამართავს
მსოფლიო ჩემპიონატის საკვალიფიკაციო ეტაპისთვის მზადების ფარგლებში, საქართველოს ეროვნული ნაკრები ამხანაგურ მატჩს გამართავს.
ჩვენი გუნდის მეტოქე ფარერის კუნძულების ეროვნული ნაკრები იქნება. მატჩი 5 ივნისს, თბილისში გაიმართება.
შეგახსენებთ, რომ მსოფლიო ჩემპიონატის საკვალიფიკაციო ეტაპის E ჯგუფში საქართველოს ნაკრების მეტოქეები ესპანეთის, თურქეთის და ბულგარეთის ნაკრებები არიან. მატჩები 2025 წლის შემოდგომაზე გაიმართება.
ვილი სანიოლის გუნდი პირველ მატჩს 4 სექტემბერს, საკუთარ მოედანზე თურქეთის ნაკრებთან გამართავს.
წყარო: ეროვნული ნაკრები
