ჯონსონი: ახლა მსოფლიოში საუკეთესო მებრძოლი მახაჩევია

UFC-ის უმსუბუქესი წონითი დივიზიონის ყოფილმა ჩემპიონმა, დემეტრიუს ჯონსონმა დაასახელა მებრძოლი, რომელსაც ამჟამად MMA-ში საუკეთესოდ მიიჩნევს.

ამერიკელის თქმით, ეს ისლამ მახაჩევია.

„ისლამი მსოფლიოში საუკეთესო მებრძოლია, წონის მიუხედავად. მას შეუძლია როგორც ჩხუბი, ისე ბრძოლა. მახაჩევი ფლობს ძიუდოსა და ჯიუ-ჯიცუს. მას შეუძლია სირთულეების დაძლევა. მახაჩევი საუკეთესოა. მის შემდეგ კი ჯონ ჯონსს დავასახელებდი. მასაც ყველაფერი შეუძლია“, - თქვა ჯონსონმა.

შეგახსენებთ, რომ მახაჩევს ბოლო ბრძოლა UFC 311-ზე, არმან ცარუკიანთან უნდა გაემართა,მაგრამ სომეხი მებრძოლი ღონისძიებას ტრავმის გამო ჩაეხსნა, რის გამოც ის ბრაზილიელ რენატო მოიკანოს დაუპირისპირდა და პირველივე რაუნდში მახრჩობელა ილეთით დაამარცხა.