მაკგრეგორს 7-წლიანი პატიმრობა ემუქრება - Irish Inependent
MMA-ს ცნობილი მებრძოლსა და UFC-ს ორგზის ყოფილ ჩემპიონს, კონორ მაკგრეგორს თავისუფლების 7 წლით აღკვეთა ემუქრება. ამის შესახებ Irish Inependent-ი წერს.
გავრცელებული ინფორმაციით, ირლანდიის სახელმწიფო ბრალდების დირექტორმა ყურადღებით შეისწავლა მაკგრეგორის პოსტი, რომელიც მან 2023 წლის ნოემბერში, დუბლინში მომხდარი არეულობის წინ, სოციალურ ქსელ X-ზე გამოაქვეყნა და სადაც ის მიგრანტებზე წერდა.
ქვეყნის მთავრობა მიიჩნევს, რომ მებრძოლის მოწოდებამ შესაძლოა ირლანდიელების მხრიდან ძალადობა წაახალისა. ირლანდიური კანონმდებლობის თანახმად, სიძულვილის გაღვივება 7-წლიანი პატიმრობით ისჯება.
როგორც მედია წერს, ამ დროისთვის მაკგრეგორისთვის ბრალდება არ წაუყენებიათ, რადგან გამოძიება ჯერ კიდევ გრძელდება.
შეგახსენებთ, რომ რამდენიმე დღის წინ, კონორმა განაცხადა, რომ ირლანდიის საპრეზიდენტო არჩევნებში მონაწილეობას აპირებს.
