საბა ბაღდავაძე პარაძიუდოში თბილისის მსოფლიო თასის გამარჯვებულია
ქართველმა ფალავანმა, საბა ბაღდავაძემ (-81კგ), თბილისი 2025 პარაძიუდოში მსოფლიო თასის გათამაშებაზე, საქართველოს ნაკრებს მეორე ოქროს მედალი მოუტანა.
ქართველმა პარასპორტსმენმა ფინალში თურქი მოწინააღმდეგე დაამარცხა.
მედალი მოიპოვა ასევე ბაჩუკი შელიამ. (-81კგ). ის ბრინჯაოს პრიზიორი გახდა.
პარიზის პარალიმპიური თამაშების შემდეგ, თბილისის მსოფლიო თასი, პარალიმპიადის პირველი საკვალიფიკაციო ტურნირია, რომელიც საქართველოს პარალიმპიური კომიტეტის ორგანიზებით, საქართველოს სპორტის სამინისტროსა და თბილისის მერიის მხარდაჭერით ტარდება.
