უშანსო მარცხი | ქუთათელაძე ფერნანდესთან დამარცხდა
UFC-ის მსუბუქი წონითი დივიზიონის ქართველმა მებრძოლმა, გურამ ქუთათელაძემ ყველაზე პრესტიჟულ პრომოუშენში მეხუთე ბრძოლა გამართა და მესამე მარცხი იწვნია.
ლონდონში, UFC Fight Night-ზე გამართულ ღონისძიებაზე „ქართველი ვიკინგის“ მეტოქე 30 წლის ბრაზილიელი კაუე ფერნანდესი იყო. სამივე რაუნდი ფერნანდესის უპირატესობით წარიმართა და საბოლოოდ მსაჯთა ერთსულოვანი გადაწყვეტილებით (30–27, 30–27, 30–27) სწორედ ბრაზილიელმა იმარჯვა.
ამრიგად, MMA-ში ქუთათელაძეს უკვე 13 გამარჯვება და 5 მარცხი აქვს. მანამდე მან მატეუშ გამროტს (მსაჯთა გაყოფილი გადაწყვეტილება) და ჯორდან ვუჩენიჩს (მსაჯთა ერთსულოვანი გადაწყვეტილება) მოუგო და ელვეს ბრენერთან (ტექნიკური ნოკაუტი) და დამირ ისმაგულოვთან (მსაჯთა გაყოფილი გადაწყვეტილება) დამარცხდა.
