გერმანული მედია: ალონსო შესაძლოა ლევერკუზენში დარჩეს

გერმანული მედიის ინფორმაციით, „ლევერკუზენის“ მთავარმა მწვრთნელმა, ჩაბი ალონსომ შესაძლოა „ფარმაცევტები“ მომდევნო სეზონშიც გაწვრთნას. ინფორმაციას ამის შესახებ Rheinische Post-ი ავრცელებს.

გამოცემის ინფორმაციით, დიდი ალბაოთობით, ალონსო ზაფხულში „ლევერკუზენს“ არ დატოვებს, მეტიც, ის სრულად არის ჩართული მომდევნო სეზონისთვის შემადგენლობის დაგეგმვაში.

Rheinische Post-ი წერს, რომ მადრიდის „რეალი“ დაინტერესებულია ალონსოს კანდიდატურით, თუმცა სეზონის ბოლომდე კარლო ანჩელოტის მომავალი არ გადაწყდება, ალონსო კი ამდენი ხანი „სამეფო კლუბის“ გადაწყვეტილებას არ დაელოდება.

შეგახსენებთ, რომ ალონსო „ბლანკოსის“ ღირსებას 2009-2014 წლებში იცავდა, 2018-2019 წლების სეზონში კი „რეალის“ 14-წლამდელთა გუნდს წვრთნიდა, რის შემდეგაც „სოსიედადის“ დუბლები ჩაიბარა.

2022 წლიდან ალონსო „ლევერკუზენში“ მუშაობს, სადაც კლუბს ისტორიაში პირველი ჩემპიონობა მოუტანა, ასევე მოიგო გერმანიის თასი და სუპერთასი.