ბოლო 12 წლის მანძილზე საუკეთესო შედეგი - ასენსიოს მიღწევა ლა ლიგაში
როგორც მოგეხსენებათ, მიმდინარე სეზონში მადრიდის რეალში ტრავმების ეპიდემიაა, რის გამოც გუნდს სერიოზული პრობლემები შეექმნა.
ყველაფერი იქამდე მივიდა, რომ კარლო ანჩელოტის კასტილიადან რაულ ასენსიოს დაწინაურება მოუწია.
21 წლის ესპანელმა დიდებულად წარმოაჩინა თავი და დღეს ის სამეფო კლუბის ძირითადი შემადგენლობის წევრია. ასენსიოს მსოფლიო ფეხბურთის პრესა აქებს და კიდევ უფრო დიდ მომავალს უწინასწარმეტყველებს. მეტიც, ის ესპანეთის ეროვნულ ნაკრებშიც კი გამოიძახეს.
ამის პარალელურად კი საკმაოდ საინტერესო სტატისტიკა გამოქვეყნდა. ასენსიომ ლა ლიგაში დებიუტის შემდეგ, რეალის შემადგენლობაში ყველაზე მეტი, 53 სუფთა ვარდნა გააკეთა.
2013 წლის შემდეგ, სამეფო კლუბის ფეხბურთელებს შორის, სადებიუტო 15 მატჩის შემდეგ, ყველაზე კარგი შედეგია. 2013 წელს, ნაჩო ფერნანდესმა 60 სუფთა ვარდნა გააკეთა.
შეგახსენებთ, რომ მადრიდის რეალი სეზონის გადამწყვეტ პერიოდში შევიდა. ანჩელოტის გუნდი ჩემპიონთა ლიგის მეოთხედფინალში არსენალს უნდა შეხვდეს, კოპა დელ რეის ნახევარფინალში რეალ სოსიედადთან ელის განმეორებითი მატჩი, ხოლო ლა ლიგაში ბარსელონას პოტენციურად 3 ქულით ჩამორჩება.
