სლოტი პსჟ-სთან მოგებაზე: ცოტათი კი არა, ძალიან გაგვიმართლა

ჩემპიონთა ლიგის მერვედფინალში, „პარი სენ ჟერმენმა“ „ლივერპულს“ უმასპინძლა და ანგარიშით 0:1 დამარცხდა.

„წითლების“ მთავარმა მწვრთნელმა, არნე სლოტმა პარიზულ კლუბთან მატჩი კიდევ ერთხელ შეაფასა.

„ვერ ვიტყოდი, რომ ცოტათი გაგვიმართლა, ჩვენ ძალიან გაგვიმართლა, მაგრამ მაიკლ ჯორდანმა ერთხელ თქვა: რაც უფრო ბევრს მუშაობ, მით უფრო გიმართლებსო. ეს ყველაზე დიდი კომპლიმენტია, რაც შეიძლება მოთამაშეებს გაუკეთო. ისინი დაუჯერებლად ბევრს შრომობდნენ. ვფიქრობ, მეორე ტაიმში ჩვენ ბურთს არ ვაკონტროლებდით, საერთოდ არ ვიყავით დომინანტი გუნდი, თუმცა ჩვენ უკეთ ვაკონტროლებდით პსჟ-ს, ვიდრე პირველ ნახევარში“, - თქვა სლოტმა.

შეგახსენებთ, რომ „ლივერპულისა“ და „პარი სენ-ჟერმენის“ მომავალი დაპირისპირება 11 მარტით თარიღდება და თბილისის დროით, 23:59-დან დაიწყება.