რა შანსი აქვს მიქაუტაძის ლიონს | Opta-მ ევროპა ლიგის ფავორიტები დაასახელა

სტატისტიკურმა სააგენტომ, Opta-მ ევროპა ლიგის მიმდინარე გათამაშების ფავორიტები დაასახელა. პირველ ადგილს „ლაციო“ იკავებს. Opta-ს მიხედვით, „არწივებს“ საჩემპიონო თასის აღმართვის 19.1-პროცენტიანი შანსი აქვთ.

მეორე ადგილზე „ტოტენჰემია“ – 14.5 პროცენტი, მესამეზე კი „ბილბაოს“ ვხედავთ - 13.5 პროცენტი. ბასკებს „რომა“ (8 პროცენტი) და „მანჩესტერ იუნაიტედი (7.4 პროცენტი) მოჰყვებიან, მათ შემდეგ კი გიორგი მიქაუტაძის „ლიონი“ მოდის - 6.3 პროცენტი.

ქართველი ფეხბურთელის გუნდი მერვედფინალში „სტიაუას“ ხვდება. Opta-ს მიხედვით, ფრანგებს მეოთხედფინალში გასვლის 71.2-პროცენტიანი შანსი აქვთ. იმის ალბათობა, რომ „ლიონი“ ნახევარფინალში გავა, 33.1 პროცენტია, ფინალში - 14.2 პროცენტი.

შეგახსენებთ, რომ „ლიონისა“ და „სტიაუას“ პირველი შეხვედრა რუმინეთში გაიმართება და რამდენიმე წუთში დაიწყება. განმეორებითი თამაში ერთი კვირის შემდეგ არის ჩანიშნული და ფრანგები საკუთარ კედლებში იასპარეზებენ.