“უსარგებლოა, თანაგუნდელებიც კი გაურბიან“ - იტალიური მედია ფელიქსზე
როგორც მოგეხსენებათ, ზამთრის სატრანსფერო ფანჯრის დროს ჟოაუ ფელიქსი მილანს შეუერთდა. ტრანსფერიდან 1 თვეც არაა გასული და პორტუგალიელ შემტევს იტალიური მედია მიწასთან ასწორებს.
Corriere della Sera: „მოედანზე ყველაზე ცუდია. არცერთ მოძრაობას არ აკეთებს და თანაგუნდელებიც კი გაურბიან.“
მაგალითად, იტალიელი ჟურნალისტი ფაბიო რავეზანი თავის სოციალურ ქსელში წერს:
„მილანში ყველაფერი არასწორად კეთდება. ჟოაუ ფელიქსი ისეთივე სიმპათიურია, როგორც უსარგებლო.“
Football Italia: „ჟოაუ ფელიქსი განებივრებული და გადაფასებული ფეხბურთელია. მან მილანის ღირებულებების შესახებ არაფერი იცის.“
შეგახსენებთ, რომ პორტუგალიელმა ფეხბურთელმა ჯერჯერობით მილანის მაისური ყველა ტურნირზე ერთად 7-ჯერ მოირგო და მხოლოდ 1 გოლი გაიტანა.
ამის პარალელურად მილანიც საშინელ ფორმაშია. როსონერი ჩემპიონთა ლიგაზე ფეიენოორდთან დამარცხდა და ამის შემდეგ იტალიის სერია ა-ში ზედიზედ ორჯერ დამარცხდა. ჯერ სტუმრად ტორინოსთან 1:2, შემდეგ კი კვლავ სტუმრად ბოლონიასთან იდენტური ანგარიშით 1:2.
