ნარკოდამოკიდებული მშობლები, მშენებლობაზე მუშაობა და დიდებული კარიერა - მაქს ჰოლოუეის გზა

შერეული ორთაბრძოლების დინამიკურ სამყაროში ბევრი ადამიანის სახელი არ იწვევს ისეთ პატივისცემასა და აღფრთოვანებას, როგორც მაქს ჰოლოუეი. მისი გზა ჰავაის სანაპიროებიდან UFC-ს მწვერვალებამდე - ეს არის ისტორია შეუპოვრობის, ოსტატობისა და ურყევი ნებისყოფის შესახებ.

ბავშვობა

ჯერომ მაქს კელი ჰოლოუეი 1991 წლის 4 დეკემბერს, ჰავაის შტატის დედაქალაქ ჰონოლულუში დაიბადა.

მაქსი გამოწვევების წინაშე ადრეულ ასაკში აღმოჩნდა. ცუდი რეპუტაციის უბანში გაზრდილი ჰოლოუეი უსიამოვნებებს ბავშვობიდანვე შეეჩეხა. მისი მშობლები ნარკოდამოკიდებულები იყვნენ - პატარა მაქსის აღზრდით ბებია და ბაბუა იყვნენ დაკავებულები.

„დედაჩემი და მამაჩემი ნარკოტიკებზე იყვნენ დამოკიდებული. მამა დედას მუდმივად სცემდა. ვფიქრობ, დედამ სწორედ ამიტომ დაიწყო მოხმარება, რათა ცოტათი დამშვიდებულიყო. დედა 3 დღით, 1 კვირით იკარგებოდა ხოლმე“ - თქვა ერთ-ერთ ინტერვიუში მაქსმა.

ამ რთული სიტუაციის მიუხედავად, ჰოლოუეიმ შვება და მიზანი შერეულ ორთაბრძოლაში იპოვა, კერძოდ კი კიკბოქსინგში, რომელშიც ვარჯიში 15 წლის ასაკში დაიწყო.

ბუნებრივმა ნიჭმა და ურყევმა ერთგულებამ ის სწრაფად გამოარჩია სხვებისგან და მან დაიწყო ფურორის მოხდენა ადგილობრივ საბრძოლო სცენაზე, რაც წინ უძღოდა მას არაჩვეულებრივ კარიერას, რომელიც მას მომავალში ელოდა.

მწვრთნელების დახმარებით, მაქსმა დახვეწა თავისი უნარები და გაიკაფა გზა ნათელი მომავლისკენ. სპორტდარბაზში მიღებულმა ადრეულმა გამოცდილებამ მას დისციპლინა, სიმტკიცე და მდგრადობა ჩამოუყალიბა, რამაც მომდევნო წლებში მისი წარმატება განსაზღვრა.

ვარჯიშში ჩაფლულმა ჰოლოუეიმ აღმოაჩინა მიზანი და მიმართულება, რომელმაც მისი ცხოვრების ტრაექტორია განსაზღვრა.

შერეული ორთაბრძოლების სტრუქტურამ და დისციპლინამ ჰოლოუეი ადრეულ ასაკშივე მიიზიდა. ვარჯიშის მკაცრ რეჟიმში ის შვებასა და მიზანს პოულობდა. კიკბოქსინგის სამყაროში ჩაფლულმა ჰოლუიეიმ თავი მალე გამოიჩინა, როგორც დამაიმედებელმა ტალანტმა და აჩვენა თავისი ბუნებრივი ათლეტიზმი და ურყევი გადაწყვეტილება.

მწვრთნელმა მაქსის პოტენციალია მალე აღმოაჩინეს, განავითარეს მისი პოტენციალი, ჩაუნერგეს შრომისმოყვარეობა, მდგრადობა და პატივისცემა. საათობით ვარჯიშის წყალობით, ჰოლოუეიმ განავითარა ის უნარები და აზროვნება, რომლებიც MMA-ს კონკურენტულ არენაზე წარმატების მისაღწევად აუცილებელია.

აღზევება MMA-ში

MMA-ს სამყაროში მაქსის აღზევება გამოირჩევა სიმტკიცით, ოსტატობითა და ურყევი ნებისყოფით. კარიერის დასაწყისში წარუმატებლობისა და სირთულეების მიუხედავად, მან უარი თქვა დანებებაზე, ნებისყოფითა და საქმისადმი ერთგულებით წინ მიიწევდა.

ადგილობრივ ორგანიზაციებში ჩხუბებით ისე საკმარის ფულს ვერ გამოიმუშავებდა, ვარჯიშის ხარჯებს კი გადახდა სჭირდებოდა. ამის გამო, მაქსი იძულებული იყო მშენებლობაზე ემუშავა, რათა თავი გაეტანა.

2012 წელს UFC-ში მისი დებიუტი გახდა შესანიშნავი მოგზაურობის დასაწყისი, რადგან მან სწრაფად გაითქვა სახელი, თავისი ბრძოლის დინამიკური სტილითა და უშიშარი მიდგომით.

დასტინ პორიესთან სადებიუტო ბრძოლაში მარცხის მიუხედავად, მაქსი ძლიერი დაბრუნდა და მომდევნო ბრძოლებში, თავისი პოტენციალი და ტალანტი აჩვენა. თითოეული გამარჯვებით, ის თავდაჯერებულობასა და სიძლიერეს იძენდა, მოიპოვა გულშემატკივრებისა და თანამებრძოლების პატივისცემა.

„დასტინ პორიე ჩემი დებიუტი და მარცხი იყო. მე ყველა ჩხუბიდან რაღაცას ვსწავლობ. ერთადერთი, რაც შემიძლია - ეს სწავლაა. UFC-ში 20 წლის მოვხვდი და ვფიქრობდი, რომ მსოფლიოში საუკეთესო ვარ, თუმცა მე ჩემი შეცდომები მქონდა. ახლა მე მაგარ მწვერვალებს ვიპყრობ - ცხოვრება მშვენიერია“, - თქვა მაქსმა Fightersonlymag-თან.

დომინირება ქვემსუბუქ წონით დივიზიონში

მაქს ჰოლოუეის კარიერის ერთ-ერთი მნიშვნელოვანი მომენტი 2017 წელს დადგა, როდესაც მან ჟოზე ალდო დაამარცხა და ქვემსუბუქ წონაში UFC-ს ჩემპიონი გახდა. მისი დომინანტობა დივიზიონის მწვერვალებზე იყო სანახაობრივი, რადგან მან თავისი ტიტული მსოფლიოს საუკეთესო მებრძოლებთან დაიცვა.

ჰოლოუეის უწყვეტმა ზეწოლამ, ტექნიკურმა დარტყმებმა და შეუპოვრობამ ის გულშემატკივრების საყვარელი მებრძოლი, ხოლო ოქტაგონზე მკაცრი მოწინააღმდეგე გახადა.

ნებისმიერი სტილისადმი ადაპტირებისა და სირთულეების დაძლევის უნარი მას სხვებისგან გამოარჩევდა და ქვემსუმუქი წონაში ყველა დროის ერთ-ერთ საუკეთესო მებრძოლის სტატუსს უმყარებდა. ტიტულის ყველა ჯერზე წარმატებულად დაცვით ის კიდევ უფრო აძლიერებდა თავის მემკვიდრეობას და წარუშლელ კვალს ტოვებდა ქვემსუბუქ წონით დივიზიონში.

გადასვლა მსუბუქ წონაში და დიდებისკენ სწრაფვა

დიდებისკენ სწრაფის გზაზე, მაქსმა მიიღო თამამი გადაწყვეტილება, გადასულიყო მსუბუქ წონაში, გამოეცადა ახალი გამოწვევები და შესაძლებლობები.

მიუხედავად იმისა, რომ ის უფრო დიდ და ძლიერ კონკურენტებს ეჩხუბებოდა, მაქსმა დაამტკიცა, რომ მიეკუთვნება ელიტას, აჩვენა დასამახსოვრებელი ჩხუბები და თავისი უნარები მსოფლიოს ყველაზე ძლიერი მებრძოლების წინააღმდეგ.

ჰოლოუეის მზადყოფნა გამოეცადა საკუთარი თავი ამ სპორტში საუკეთესო მებრძოლებთან, მისი სიმამაცისა და კონკურენტული სულისკვეთების დასტურია.

ამ გზაზე წარუმატებლობისა და სირთულეების მიუხედავად, მაქსი ურყევად განაგრძობდა დიდებისკენ სწრაფვას და უარს არა ამბობდა არც ერთ გამოწვევაზე, რომელიც წინ ხვდებოდა. მისი გადაწყვეტილება გადასულიყო მსუბუქ წონით დივიზიონი იყო თამამი განაცხადი, რადგან მას სურდა შეექმნა მემკვიდრეობა და თავისი სახელი MMA-ს ისტორიაში ჩაეწერა.

BMF-ის ქამარი

2024 წლის გაზაფხულზე, მაქს ჰოლოუეისა და ჯასტინ გეიჯის ბრძოლა დაიგეგმა. ჩხუბი BMF-ის (The Baddest Motherfucker) ქამრისთვის.

მიუხედავად ასეთი სახუმარო ტიტულისა, ორივე მებრძოლი მომზადებას სრული პასუხისმგებლობით მიუდგა.

14 აპრილს, საიუბილეო მე-300 ქარდზე MMA-ს ქომაგებმა საოცარი ბრძოლა იხილეს. ჩხუბი მაქსის უპირატესობით მიმდინარეობდა, თუმცა შეხვედრის მიწურულს მებრძოლები გააქტიურდნენ, რასაც საოცარი კულმინაცია მოჰყვა - ჰოლოუეიმ მე-5 რაუნდის ბოლო წამზე უძლიერესი დარტყმით გეიჯი გათიშა და ასეთ დრამატულ შეხვედრაში გაიმარჯვა.

ჩხუბი ილია თოფურიასთან

BMF-ის ტიტულის მოგების შემდეგ, მაქსმა ქვემსუბუქ წონაში UFC-ის ქამრის დასაკუთრების შანსი მოიპოვა, რომლის მფლობელი ქართველი მებრძოლი, ილია თოფურია იყო.

ექსპერტების ჰოლოუეის ფავორიტად არ მიიჩნევდნენ, თუმცა ის საკუთარ გამარჯვებაში დარწმუნებული იყო.

ჩხუბი 26 ოქტომბერს, არაბეთის გაერთიანებულ საამიროები, UFC 308-ზე გაიმართა. „მატადორმა“ მაქსი მესამე რაუნდში დაანოკაუტა.

1 თვის შემდეგ, ჰოლოუეიმ განაცხადა, რომ დივიზიონს იცვლის და მსუბუქ წონაში გადადის.

მეტსახელი

მაქს ჰოლოუეის მეტსახელი „დალოცვილი“ – MMA-ში ერთ-ერთი ყველაზე ცნობილი სახელია.

თუ როგორ დაერქვა „დალოცვილი“, მაქსმა ერთ-ერთ ინტერვიუში ილაპარაკა.

„ეს მეტსახელი იქიდან მოვიდა, თუ რას მივაღწიე მთელი ამ ხნის განმავლობაში. ჩემი მწვრთნელი ერთხელ მოვიდა და მითხრა: „შენ დალოცვილი კაცი ხარ“ და აი, მეტსახელიც ასე გაჩნდა“.

პირადი ცხოვრება

მაქს ჰოლოუეი პირველად 2012 წელს დაქორწინდა. მისი რჩეული ჰავაიელი მოდელი, კაიმანა პაალუი იყო. იმავე წელს წყვილს ვაჟიშვილი შეეძინა - მას რაში დაარქვეს.

კაიმანა და მაქსი 2017 წელს განქორწინდნენ. 2020 წელს ჰოლოუეიმ სერფერი ალესა ქუიზონი გაიცნო, რომელზეც 2022 წელს იქორწინა.