კურტუა ბელგიის ნაკრების შემადგენლობაში ბრუნდება - Marca
მარტში ტიბო კურტუა ბელგიის ნაკრების შემადგენლობაში ითამაშებს. ამის შესახებ Marca წერს.
გამოცემის ცნობით, ბელგიელების ახალი მთავარი მწვრთნელი, რუდი გარსია მადრიდის „რეალის“ მეკარეს ერთა ლიგის უახლოესი მატჩებისთვის გამოიძახებს. 20 და 23 მარტს ბელგიის ნაკრები უკრაინის წინააღმდეგ ითამაშებს.
შეგახსენებთ, რომ კურტუას საკუთარი ქვეყნის ნაკრებში 2023 წლის ზაფხულის შემდეგ არ უთამაშია. ამის მიზეზი დომენიკ ტედესკოსთან უთანხმოება იყო.
გერმანელმა სპეციალისტმა მთავარი მწვრთნელის პოსტი იანვარში დატოვა.
