უმნიშვნელოვანესი მოგება დაძაბულ მატჩში | საქართველოს ნაკრები ევრობასკეტზეა

ევროპის ჩემპიონატის შესარჩევი ეტაპის ბოლოსწინა ტურში საქართველოს კალათბურთელთა ნაკრებმა დანიის ნაკრებს უმასპინძლა და 62:60 დაამარცხა, რითაც ევროპის ჩემპიონატის საგზური გაინაღდა.

საქართველოს ნაკრებში ყველაზე შედეგიანი თორნიკე შენგელია იყო, რომელმაც ორმაგი დუბლი გაიფორმა - 19 ქულა, 13 მოხსნა, 3 ასისტი. დუდა სანაძემ 16 ქულას 4 მოხსნა მიამატა, დანიელების მხრიდან კი ყველაზე მეტი - 14 ქულა კევინ ლარსენმა ჩააგდო.

5 ტურის შემდეგ საქართველოს ნაკრებს 8 ქულა აქვს, სატურნირო ცხრილი კი ასე გამოიყურება:
სერბეთი 10 ქულა
საქართველო 8
ფინეთი 6 ქულა
დანია 6

შესარჩევი ეტაპის ბოლო ტურში ალეკსანდარ ჯიკიჩის გაწვრთნილი გუნდი ბელგრადში, სერბეთის ნაკრებს დაუპირისპირდება, თუმცა გადაწყვეტი მნიშვნელობა ამ მატჩს აღარ ექნება. 

აღსანიშნავია ისიც, რომ საქართველოს ნაკრების ევროპის ჩემპიონატზე ზედიზედ მეექვსედ იასპარეზებს.