კვარა ლივერპულის წინააღმდეგ! ლიგის 1/8-ფინალების წილისყრის შედეგები

დღეს, შვეიცარიის ქალაქ ნიონში უეფას ჩემპიონთა ლიგის 1/8-ფინალური ეტაპის წილისყრა გაიმართა, სადაც საპლეიოფო წყვილები მივიღეთ.

ჩვენთვის ყველაზე დიდ ინტერესს ხვიჩა კვარაცხელიასა და პსჟ-ს მეტოქე იწვევდა, რომელიც „ლივერპული“ იქნება!

მერვედფინალის პირველი მატჩები 4-5 მარტსა და 11-12 მარტს გაიმართება. პარიზელები პირველ შეხვედრას საკუთარ მოედანზე ჩაატარებენ, საპასუხოს კი ინგლისში.

კვარასთვის „ლივერპული“ უცნობი მეტოქე არ არის. „ნაპოლისთან“ ერთად თავის სადებიუტო სეზონში ხვიჩამ „დიეგო მარადონაზე“ სპექტაკლი შემოგვთავაზა და „მერსისაიდელების“ 4:1 დამარცხებაში მთავარი როლი შეასრულა. „ენფილდზე“ კი 0:1 დამარცხდნენ.

რაც შეეხება სხვა წყვილებს, ასევე დიდ ინტერესს იწვევს...

გუნდები ასე დაწყვილდნენ:

ბრიუგე - ასტონ ვილა

დორტმუნდი - ლილი

რეალი - ატლეტიკო

ბაიერნი - ლევერკუზენი

პსვ - არსენალი

ფეიენოორდი - ინტერი

პსჟ - ლივერპული

ბენფიკა - ბარსელონა

ბადე ცნობილია: მოსალოდნელი 1/4-ფინალური წყვილები:

1) პსჟ ლივერპული vs ბრიუგე ასტონ ვილა

2) პსვ არსენალი vs ატლეტიკო რეალი

------------

3) ბენფიკა ბარსელონა vs დორტმუნდი ლილი

4) ბაიერნი ლევერკუზენი vs ფეიენოორდი ინტერი

რაც შეეხება ნახევარფინალებს:

პირველი ოთხეული მეორე ოთხეულს შეხვდება. ხოლო მესამე ოთხეული მეოთხეს.

ფინალი მიუნხენში „ალიანს არენაზე" (31 მაისს) გაიმართება.

ამ ყველაფრის ფონზე შეიძლება ითქვას, რომ ფავორიტებიდან შედარებით ყველაზე მარტივი გზა „ბარსელონას“ შეხვდა.