ჟირუს სახლი გაქურდეს - წაღებულია ნახევარი მილიონის ღირებულების საათები

ლოს-ანჯელესში ოლივიე ჟირუს სახლი გაქურდეს. ინფორმაციას TMZ-ი ავრცელებს.

ფრანგი ფეხბურთელის ცოლმა მომხდარზე პოლიციას მას შემდეგ შეატყობინა, რაც სახლში ჩამსხვრეული მინა აღმოაჩინა.

როგორც გაირკვა, ბოროტმოქმედებმა ჟირუს 10-ზე მეტი საათი წაიღეს, რომელთა ღირებულება დაახლოებით 500 000 დოლარს შეადგენს.

ფრანგი ფეხბურთელი ლოს-ანჯელესი საცხოვრებლად 2024 წლის ივლისში გადავიდა.