ალ-ნასრი ნუნიესში 75+ მილიონ ევროს იხდიდა - ლივერპულმა უარი თქვა

იანვარში „ალ-ნასრი“ დარვინ ნუნიესის ყიდვას აპირებდა. ამის შესახებ ფაბრიციო რომანო იუწყება.

ცნობილი ჟურნალისტისა და ინსაიდერის ცნობით, „ლივერპულმა“ ორი ოფიციალური წინადადება მიიღო: არაბული კლუბი მზად იყო 75 მილიონი ევრო და ასევე ბონუსები გადაეხადა.

„ალ-ნასრი“ მოლაპარაკებას წარმატებულად მართავდა აგრეთვე თავად ურუგვაელ ფორვარდთან და ხელმძღვანელობა დარწმუნებული იყო, რომ ის გადასვლას დათანხმდებოდა.

საბოლოოდ, „წითლებმა“ გარიგების გაფორმებაზე უარი თქვეს, რადგან ნუნიესის ღირსეული შემცვლელი ვერ იპოვეს.

შეგახსენებთ, რომ მიმდინარე სეზონში 25 წლის ფეხბურთელმა 18 მატჩი ჩაატარა და 4 გოლი გაიტანა. Transfermarkt-ზე მისი საბაზრო ღირებულება 65 მილიონი ევროა.