შერმადინის 9 ქულა - ტენერიფემ მურსია მძიმე ბრძოლაში დაამარცხა

ესპანეთის ლიგა ენდესას მორიგ ტურში ლაგუნა ტენერიფე მურსიას ესტუმრა და უმძიმეს ბრძოლაში 78:77 დაამარცხა.

ჩემპიონთა ლიგაზე გაძევების შემდეგ, გიორგი შერმადინი ესპანეთის ჩემპიონატში მოგვევლინა და პარკეტზე არასრული 19 წუთი გაატარა.

ამ პერიოდის განმავლობაში, ქართველმა კალათბურთელმა 9 ქულას, 5 მოხსნას და 1 შედეგიან გადაცემას მოუყარა თავი.

შერმადინმა 3-ჯერ სცადა 2-ქულიანის სროლა და ყველა ზუსტი აღმოჩნდა. 4 საჯარიმო ტყორცნიდან კი 3 ჩააგდო. ხუთივე მოხსნა საკუთარ ფარზე შეასრულა და ჯამში ერთი პერსონალური ფოლი მიიღო.

შეგახსენებთ, რომ ამ გამარჯვების შემდეგ, ტენერიფეს 30 ქულა დაუგროვდა და სატურნირო ცხრილში მესამე ადგილს იკავებს. შემდეგ ტურში, შერმადინის გუნდი ბადალონას უმასპინძლებს.

¡¡ Otra más !! La Laguna Tenerife vence en Murcia sobre la bocina y suma su 15ª victoria liguera

???????? #VamosCanarias #LaLagunaTenerife #SeLlevadentro pic.twitter.com/K7GxIDfFqv

— La Laguna Tenerife (@CB1939Canarias) February 8, 2025