“ვისურვებდი, რომ ახლა აქ კობი იყოს“ - ლეიკერსმა დონჩიჩი წარადგინა
როგორც მოგეხსენებათ, NBA-ში სენსაციური გაცვლა მოხდა. დალასიდან ლეიკერსში ლუკა დონჩიჩი გადავიდა, ხოლო ლეიკერსიდან დალასში ენტონი დევისი.
სულ ცოტა ხნის წინ, ლოს-ანჯელესურმა გუნდმა სლოვენიელი კალათბურთელი წარადგინა. როგორც აღმოჩნდა, ლუკა ახალ კლუბში 77-ნომრიანი მაისურით ითამაშებს.
წარდგენის შემდეგ, დონჩიჩმა საკმაოდ ემოციური კომენტარი გააკეთა: „ვისურვებდი, რომ ახლა აქ კობი და ჯიჯი იყვნენ და ეს მომენტი ენახათ“.
Luka Dončić, a Los Angeles Laker! ✨ pic.twitter.com/nVrr1EnMtQ
— NBA (@NBA) February 4, 2025
შეგახსენებთ, რომ დონჩიჩმა 7-წლიანი ამერიკული კარიერა „დალასში’’ გაატარა, მიმდინარე რეგულარულ ჩემპიონატში 22 მატჩში საშუალოდ მის აქტივში 28,1 ქულა, 8,3 მოხსნა და 7,8 პასი იყო. ლუკა „დალასში’’ გადასვლამდე მადრიდის „რეალის'' წევრი იყო (2015-18).
