„სახეში შეგაფურთხე, რამეს იზამ? | კონორ მაკგრეგორის მორიგი სკანდალი
UFC-ის ორი წონითი დივიზიონის ყოფილი ჩემპიონი, კონორ მაკგრეგორი მორიგ სკანდალში გაეხვია. სოციალურ ქსელში, ვირუსულად გავრცელდა ვიდეო, რომელშიც ჩანს, რომ ირლანდიელმა მებრძოლმა უცნობ ადამიანს სახეში შეაფურთხა.
მაკგრეგორი მდიდრულ სავაჭრო ცენტრში გადაადგილდებოდა, როცა ფანისგან ასეთი შეძახილი მოესმა: „მიდი, ხაბიბ!“ კონორი ამაზე გაბრაზდა, ფანთან მივიდა და სახეში შეაფურთხა, შემდეგ კი უთხრა: „სახეში შეგაფურთხე, რას გააკეთებ? სახეში შეგაფურთხე შე სულელო და ვერაფერი ქენი“.
Conor McGregor spit in this guys face after he yelled “Let’s go Khabib” ????
— Championship Rounds (@ChampRDS) February 3, 2025
“I spit in your face, what you do? Nothing.”#UFC #MMApic.twitter.com/eDSV3FwHL2
როგორც მოგეხსენებათ, მაკგრეგორი „არწივს“ დიდი ხანია მტრობს და 2018 წლის ოქტომბერში, მის წინააღმდეგ ოქტაგონზეც გავიდა. ნურმაგომედოვმა კონორი მეოთხე რაუნდში მოპოვებული საბმიშენით დაამარცხა და შემდეგ, ოქტაგონიდან გადახტა, რათა ირლანდიელის ანტურაჟს დაპირისპირებოდა.
მაკგრეგორს UFC-ში 2021 წლის შემდეგ არ უჩხუბია. ბოლოს იგი დასტინ პორიეს დაუპირისპირდა და ფეხი მოიტეხა, რის შემდეგაც ბრძოლა გაჩერდა.
