ტრანსფერი ჩაიშალა | საბა გოგლიჩიძე რომაში აღარ გადადის
„ემპოლის“ ქართველი ფეხბურთელი, საბა გოგლიჩიძე „რომაში“ გადასვლასთან ერთ ნაბიჯში იყო. იტალიურ პრესაში იწერებოდა, რომ მხარეებს შორის ყველა დეტალი შეთანხმებული იყო და ტრანსფერი უახლოეს საათებში გაოფიციალურდებოდა, მაგრამ ვითარება შეიცვალა.
ცნობილი ჟურნალისტის, ნიკოლო სკირას მიხედვით, გოგლიჩიძის ტრანსფერი ჩაიშალა. „ჯალოროსიმ“ ბოლო მომენტში გადაწყვეტილება შეცვალა და არჩევანი შედარებით იაფ ვარიანტზე გააკეთა. დედაქალაქური კლუბი ვიქტორ ნელსონს იფორმებს და მოლაპარაკებები უკვე დასკვნით ეტაპზეა.
La triste parabola di Saba #Goglichidze: sabato sera i suoi agenti avevano trovato l’accordo con l’#ASRoma per un contratto fino al 2029, tanto che il centrale georgiano si chiama fuori la mattina successiva da Juve-Empoli chiedendo a #DAversa di non giocare. L’infortunio di…
— Nicolò Schira (@NicoSchira) February 3, 2025
სკირას ინფორმაცია ფაბრიციო რომანომაც დაადასტურა. ავტორიტეტული სატრანსფერო ექსპერტის მიხედვით, „რომა“ ნელსონზე მას შემდეგ გადაერთო, რაც „ემპოლისთან“, გოგლიჩიძის ტრანსფერი ჩაიშალა.
???????????? AS Roma are in advanced talks to sign Victor Nelsson from Galatasaray with official bid submitted.
— Fabrizio Romano (@FabrizioRomano) February 3, 2025
Loan + option proposal sent after Saba Goglichidze deal collapsed with Empoli. pic.twitter.com/SM3WsOQ76q
შეგახსენებთ, რომ გოგლიჩიძეს „ემპოლისთან“ კონტრაქტი 2027 წლის ზაფხულამდე აკავშირებს და Transfermarkt-ზე მისი ღირებულება 8 მილიონი ევროა. საბას მიმდინარე სეზონში მონაწილეობა 20 შეხვედრაში აქვს მიღებული.
