ბრაზილიელი შემტევი დინამოში? - კაკაშვილი ადრიან სეზარს აკვირდება

ლისაბონის „სპორტინგის’’ B გუნდმა ამხანაგურ მატჩში თბილისის „დინამოს’’ 2:0 მოუგო. ამხანაგური მატჩი კრიშტიანუ რონალდუს სახელობის აკადემიის მოედანზე გაიმართა.

აღნიშნულ მატჩში „დინამოს’’ შემადგენლობაში 19 წლის ბრაზილიელმა ადრიან სეზარმა ითამაშა, რომელიც გუნდში სინჯებზეა, „დინამოს'' მთავარი მწვრთნელი ვლადიმერ კაკაშვილი სამხრეთამერიკელ ფეხბურთელს აკვირდება.

დღეს „დინამომ’’ მორიგი ამხანაგური მატჩი შვეიცარიულ „კრინესთან’’ გამართა, 2:0 მოიგო. ბრაზილიელმა შემტევმა ამ მატჩშიც მიიღო მონაწილეობა.

როგორც ცნობილი ბრაზილიური გამოცემა Globo წერს, 2024 წლის თებერვალში ადრიან სეზარმა „ფლუმინენესთან’’ კონტრაქტი 2025 წლის ბოლომდე გააფორმა, თუმცა პირველ გუნდში არ უთამაშია, „ფლუმინენსეს'' 20-წლამდე გუნდის მოთამაშეა.

ადრიან სეზარი გარემარბია, ორივე ფლანგზე თამაშობს.