„უმაღლეს დონეზე ასვლა შეუძლია“ - TEAMtalk-ი ჩაკვეტაძეს პრემიერლიგაში ხედავს

ცნობილი ბრიტანული გამოცემა TEAMtalk-ი ინგლისის ჩემპიონშიფის 10 მოთამაშის შესახებ წერს, რომლებსაც მომავალ სეზონში პრემიერ ლიგაში თამაშის შესაძლებლობა და ხარისხი აქვთ. სიაში გიორგი ჩაკვეტაძეც მოხვდა.

„ჩემპიონშიფი ხარისხიანი მოთამაშეებით სავსე ლიგაა. ჩვენ ვნახეთ უამრავი ფეხბურთელი, რომლებიც პრემიერ ლიგაში ჩავიდნენ იქაურ გარემოსა და დონეს მყისიერად მოერგნენ.

ეს ლიგა გვთავაზობს პოტენციურ ვარსკვლავებს. მაგალითად, ჩვენ მივიღეთ ისეთი მოთამაშეები როგორებიც არიან მაიკლ ოლისე, მორგან როჯერსი, ადამ უორტონი და ოლი უოტკინსი.

იქიდან გამომდინარე, რომ სეზონის ნახევარი უკვე მიილია, გადავწყვიტეთ შემოგთავაზოთ ფეხბურთელები, რომლებიც მომავალ სეზონში ან უახლოეს მომავალში შესაძლოა პრემიერ ლიგაში ვნახოთ:

„უოტფორდის არათანმიმდევრული გუნდისთვის ჩაკვეტაძე შემოქმედებითი ნაპერწკალია. როგორც ჩანს, ქართველს შეუძლია უმაღლეს დონეზე ავიდეს. ის შექმნილი შანსების სტატისტიკით აზაზის კონკურენტია. ჩაკვეტაძე უფრო გამთამაშებელია, ვიდრე ბომბარდირი და მას გამოცდილება მრავალ ქვეყანაში თამაშით აქვს მიღებული.

ქართველი ფეხბურთელი შექმნილი შანსებით ელიტარულ კატეგორიაში შედის, ასევე ღია თამაშში ერთ-ერთი საუკეთესოა. მას მაღალი სტატისტიკა აქვს მოედნის ბოლო მესამედში ბურთის დაბრუნების მაჩვენებლითაც.

ევერტონი და ვულვზი უკვე დაინტერესდნენ მისი შეძენით. 25 წლის ფეხბურთელს ზაფხულში მსურველები აუცილებლად ეყოლება“.

- წერს ბრიტანული გამოცემა.

შეგახსენებთ, რომ ჩაკვეტაძე „უოტფორდის“ რიგებში თავის მომდევნო შეხვედრას 1 თებერვალს შინ „ნორვიჩის“ წინააღმდეგ გამართავს. მატჩი 16:30-ზე დაიწყება.