ალ ნასრმა მიტომას სანაცვლოდ, ბრაიტონს €65 მილიონი შესთავაზა
„ბრაიტონმა“ კაორუ მიტომა საუდის არაბეთში არ გაუშვა. ამის შესახებ Athletic-ი წერს.
გამოცემის ცნობით, „ალ ნასრმა“ „თოლიებს“ იაპონელი ვინგერის ტრანსფერისთვის ოფიციალურად მიმართა და მზად იყო მასში 65 მილიონი ევრო გადაეხადა, თუმცა ინგლისურმა კლუბმა 27 წლის ფეხბურთელის გაყიდვაზე უარი თქვა.
შეგახსენებთ, რომ მიტომა „ბრაიტონში“ 2021 წლიდან თამაშობს. Transfermarkt-ზე მისი საბაზრო ღირებულება 45 მილიონი ევროა.
