„ქართველები ძალიან ძლიერები არიან, ილიას შეხედეთ“ | რა თქვა იოელ რომერომ
UFC-ის ყოფილმა მებრძოლმა, იოელ რომერომ საკუთარ პოდკასტში ილია თოფურიაზე ისაუბრა. რომერომ ქართველი მებრძოლები შეაქო და განაცხადა, რომ „ელ მატადორისა“ და ისლამ მახაჩევის ორთაბრძოლას სიამოვნებით ნახავდა.
„კუბის თავისუფალი ჭიდაობის ნაკრებში ჯანსაღი კონკურენცია იყო და ერთმანეთს უკეთესებს ვხდიდით. და ამის წყალობით ჩანს, რამდენად ძლიერი შეიძლება ქართველი მებრძოლი იყოს. ილია თოფურიას შეხედეთ! მათ მსხვილი ძვლები აქვთ. მათ ფეხებს, ზურგსა და მკლავებს უყურებ და ხვდები, რომ ძალიან ძლიერი აღნაგობა აქვთ.
ილიას რაც შეეხება, მას შეუძლია გააკეთოს იგივე, რაც მერაბ დვალიშვილმა გააკეთა. თოფურიასა და ისლამ მახაჩევის ორთაბრძოლა ძალიან მაგარი ჩხუბი იქნება და მას სიამოვნებით ვნახავ. ვფიქრობ, MMA-ის ყველა ქომაგი ადრენალინის მოზღვავებას იგრძნობს, როცა მახაჩევისა და თოფურიას შესაძლო ჩხუბზე, ჭორები გავრცელდება“.
შეგახსენებთ, რომ რომეროს UFC-ის საჩემპიონო ქამრის დასაკუთრების შანსი ჰქონდა, მაგრამ ისრაელ ადესანიასთან მსაჯების ერთსულოვანი გადაწყვეტილებით დამარცხდა. ამ მომენტისთვის, იოელი GFL-ს წარმოადგენს, რომელშიც ლიანა ჯოჯუაც ასპარეზობს.
