ყველამ იცის, რომ შენ კაცი არ ხარ - სტრიკლენდმა ჩიმაევს მიმართა
84 კილოგრამამდე წონით კატეგორიაში UFC-ის ყოფილი ჩემპიონი შონ სტრიკლენდი ამჟამად დრიკუს დუ პლესისთან რემატჩისთვის ემზადება და მისი მიზანია სამხრეთ აფრიკელ მებრძოლს საჩემპიონო ქამარი წაართვას. თუმცა, პარალელურად სხვა თემებზე სასაუბროდაც იცლის და ხამზატ ჩიმაევთან ბრძოლისთვის მზადყოფნაც გამოთქვა.
რა თქვა სტრიკლენდმა
ნებისმიერი, რომელიც ჩიმაევთან ბრძოლაზე უარს არ იტყვის, ჯოჯოხეთურად დიდ თანხას მიიღებს. მე მას დავამარცხებ, რის შემდეგაც ფულის შოვნის გზას დაკარგავს და ისევ კრიპტოთაღლითობებს დაუბრუნდება. შეუძლია თუ არა კარგი ბრძოლის გამართვა? რა თქმა უნდა შეუძლია, მაგრამ ის კაცი არ არის, რაც თავადაც კარგად იცის და მთელს მსოფლიოსაც კარგად მოეხსენება.
შეგახსენებთ, რომ სტრიკლენდი დუ პლესისს 9 თებერვალს დაუპირისპირდება. ჩიმაევთან დაკავშირებით კი, UFC-ის აღმასრულებელმა დირექტორმა დენა უაითმა განაცხადა, რომ მისი მომდევნო ბრძოლა სატიტულო იქნება.
