ფიგურული სრიალი: მეტელკინა-ბერულავას სუსტი გამოსვლა
ესტონეთის დედაქალაქ ტალინში ფიგურულ ციგურაობაში ევროპის 2025 წლის ჩემპიონატი მიმდინარეობს. დღეს, მოკლე პროგრამაში გამოსვლები შედგა, სადაც ქართულმა წყვილმა ანასტასია მეტელკინა/ლუკა ბერულავა მე-9 ადგილი დაიკავა და თავისუფალი პროგრამით გამოსვლის უფლება მოიპოვეს.
ქართული წყვილი ფავორიტთა შორის მოიაზრებოდა და მათ შეიძლება ითქვას მოსალოდნელზე სუსტად იასპარეზეს. მეტელკინა ერთ-ერთი ნახტომის დროს დაეცა და ეს შედეგიც ამან განაპირობა - 57.03 ქულა.
ცნობისთვის, მეტელკინასა და ბერულავას სეზონის სარეკორდო ქულა 72.26 გახლავთ.
30 იანვარს, მეტელკინა-ბერულავას დუეტს კიდევ ერთი შანსი მიეცემა და თავიანთ შესაძლებლობებს თავისუფალ პროგრამაში გამოცდიან. შეგახსენებთ, რომ გასულ წელს, ქართულმა დუეტმა ვერცხლის მედლების მოპოვება შეძლო.
