„ბარკოლა მზადაა, ძირითადში ადგილისთვის იბრძოლოს“ - L'Equipe კვარას ტრანსფერზე

გავლენიანი ფრანგული გამოცემა L’Equipe-ი „პარი სენ-ჟერმენში“ ხვიჩა კვარაცხელიას ტრანსფერზე და მასსა და ბრედლი ბარკოლას შორის კონკურენციაზე წერს.

გამოცემის ცნობით, ბარკოლა დარწმუნებულია, რომ ძირითადში ადგილს შეინარჩუნებს და თავი სათადარიგოთა სკამზე ვერ წარმოუდგენია.

რას წერს L’Equipe-ი:

„ბრედლი ბარკოლა არ თვლის, რომ ხვიჩა კვარაცხელიას შეძენა კლუბში მის პოზიციებს ასუსტებს. ფრანგი შემტევი აცნობიერებს, რომ ისეთ დიდ კლუბში, როგორიც „პარი სენ-ჟერმენია“, კონკურენცია და ასეთი გამოწვევები ყოველთვის იქნება.

შესაბამისად, ბრედლი მოტივირებულია, იცის, რაც უნდა გააკეთოს, და მზადაა, ძირითად შემადგენლობაში ადგილისთვის იბრძოლოს. გარდა ამისა, ბარკოლა ენდობა ლუის ენრიკეს მიდგომებს და სჯერა, რომ ესპანელი სპეციალისტი ყველა გადაწყვეტილებას ფეხბურთელების ამჟამინდელი ფორმის გათვალისწინებით მიიღებს“.

აქვე გეტყვით, რომ გუშინდელ პრესკონფერენციაზე პარიზელთა თავკაცს, ლუის ენრიკეს შეტევის ხაზში არსებულ კონკურენციაზე ჰკითხეს, რაზეც ესპანელმა მწვრთნელმა უპასუხა, რომ 3 პოზიციისთვის 7 ფეხბურთელი ჰყავს და ასეთი მრავალფეროვნება გუნდს მხოლოდ აძლიერებს.