“ვინ არის ის? ფეხბურთელია?“ - ბალდემ არ იცოდა ვინ არის ჯან პიერო გასპერინი
ჩემპიონთა ლიგის ფაზის ბოლო ტურში ბარსელონა ატალანტას უმასპინძლებს. მატჩისწინა პრესკონფერენციაზე მეტად კომიკური სიტუაცია შეიქმნა.
ჰანსი ფლიკმა ჟურნალისტებთან სასაუბროდ ალეხანდრო ბალდე გაიყვანა, რომელსაც ერთ-ერთი კითხვა ბერგამოელთა მთავარ მწვრთნელზე გასპერინიზე დაუსვეს, რაზეც ესპანელმა უკანახაზელმა უპასუხა.
ბალდე:
„შეკითხვას ვერ მივხვდი. რომელ ფეხბურთელზე საუბრობთ? ვერ მივხვდი ვის გულისხმობთ?“
აღმოჩნდა, რომ ბალდეს წარმოდგენა არ აქვს ვინ არის ჯანპიერო გასპერინი. თარჯიმანმა ბარსელონას ფეხბურთელს უთხრა, თუ ვინ იყო გასპერინი, რაზეც ბალდემ გააგრძელა:
„გულწრფელად გეტყვით, რომ არ ვიცი ვინ არის ჯან პიერო გასპერინი. ახლა გასაგებია, მაგრამ მე მას არ ვიცნობ და რა გიპასუხოთ არ ვიცი.“
????️????????EL MOMENT DIVERTIT DE LA RODA DE PREMSA DE BALDE
— Esport3 (@esport3) January 28, 2025
????El lateral del Barça es fa un embolic amb el nom de l'entrenador de l'Atalanta, Gasperini
???? https://t.co/9dksTtDwY5 pic.twitter.com/JKLlBoXII9
ცნობისთვის, იტალიელი სპეციალისტი ატალანტას 2016 წლიდან წვრთნის. რაც შეეხება ბალდეს, ის კატალონიური გრანდის აკადემიის აღზრდილია და პირველ გუნდში 2021 წლიდან თამაშობს. ბარსელონას და ატალანტას დაპირისპირება 29 იანვრით თარიღდება და თბილისის დროით 23:55-დან დაიწყება.
