ლიგა 1-ის ყველაზე ძვირადღირებული ფეხბურთელები - რომელ ადგილზეა კვარა

როგორც მოგეხსენებათ, პარი სენ ჟერმენმა ხვიჩა კვარაცხელიას სანაცვლოდ 75 მილიონი ევრო გადაიხადა.

მას შემდეგ, რაც საფრანგეთის ლიგა 1 ნეიმარმა, კილიან მბაპემ და სხვა ვარსკვლავებმა დატოვეს, ვარსკვლავური იმიჯის ფეხბურთელი საკმაოდ ცოტა დარჩა.

საინტერესო ის ფაქტი გახლავთ, რომ ამ მომენტისთვის, ავტორიტეტული სააგენტოს Transfermarkt-ის მიხედვით საფრანგეთის ლიგა 1-ში ყველაზე ძვირადღირებული ფეხბურთელი ხვიჩა კვარაცხელიაა.

ქართველი ფეხბურთელის სატრანსფერო ღირებულება 85 მილიონი ევროა. საინტერესოა ისიც, რომ 10-ეულში ძირითადად პარი სენ ჟერმენის ფეხბურთელები იმყოფებიან.

კვარაცხელია - 85 მილიონი ევრო
ბრედლი ბარკოლა - 65 მილიონი ევრო
უორენ ზაირ-ემერი 60 მილიონი ევრო
ჟოაუ ნევეში - 60 მილიონი ევრო
აქრაფ ჰაკიმი - 60 მილიონი ევრო
ნუნო მენდეში - 55 მილიონი ევრო
ვიტინია - 55 მილიონი ევრო
უსმან დემბელე - 55 მილიონი ევრო
გონსალუ რამუში - 50 მილიონი ევრო
ჯონათან დევიდი - 45 მილიონი ევრო

შეგახსენებთ, რომ პარი სენ ჟერმენში ხვიჩა კვარაცხელიას დებიუტი რეიმსის წინააღმდეგ შედგა. ფრანგულმა გიგანტმა ვერ მოიგო, მატჩი ფრედ 1:1 დასრულდა, თუმცა ქართველმა ფეხბურთელმა გულშემატკივრებს თავი საგოლე პასით დაამახსოვრა.