კაზემირო შესაძლოა რომაში გადავიდეს

კაზემირომ შესაძლოა კარიერა სერია A-ში გააგრძელოს. ინფორმაციას ცნობილი იტალიელი ჟურნალისტი, ჯანლუკა დი მარციო ავრცელებს.

გავრცელებული ცნობით, „რომა“ „მანჩესტერ იუნაიტედის“ ნახევარმცველის ყიდვას განიხილავს, რადგან ის ლეანდრო პარედესის შემცველად მოიაზრება, რომელიც „ბოკა ხუნიორსში“ გადასვლას აპირებს.

მიმდინარე სეზონზე 32 წლის ბრაზილიელმა 14 მატჩი ჩაატარა და 1 გოლი გაიტანა. Transfermarkt-ზე მისი საბაზრო ღირებულება 12 მილიონი ევროა.