მახაჩევის თქმით, ჯასტინ გეიჯისთან იჩხუბებდა

UFC-ის მსუბუქი წონითი დივიზიონის ჩემპიონმა, ისლამ მახაჩევმა დაასახელა მებრძოლი, ვისთანაც ის თავის დივიზიონში ბრძოლას ისურვებდა.

„ჩხუბი გეიჯისთან? მე მომწონს ეს იდეა, რადგან ჯასტინთან ჯერ არ მიჩხუბია. სიას რომ შევხედოთ, ოლივეირასთან და არმანთან ბრძოლა უკვე მქონდა. ერთსა და იმავე მეტოქესთან ჩხუბისთვის მზადება არც ისე დიდ მოტივაციას მაძლევს. თუ გეიჯი მომდევნო ჩხუბში თავს კარგად გამოავლენს, ვფიქრობ, შეიძლება შევხვდეთ“, -თქვა ისლამმა ჟურნალისტებთან ინტერვიუში.

შეგახსენებთ რომ მახაჩევს ბოლო ბრძოლა UFC 311-ზე, არმან ცარუკიაანთან უნდა გაემართა, მაგრამ სომეხი მებრძოლი ღონისძიებას ტრავმის გამო ჩაეხსნა, რის გამოც ის ბრაზილიელ რენატო მოიკანოს დაუპირისპირდა და პირველივე რაუნდში მახრჩობელა ილეთით დაამარცხა.