ადანას უარი უთხრა | ბერიძის მომავალი გაურკვეველია

თურქეთის პირველი ლიგის ლიდერ „ქოჯაელს’’ დიდი ალბათობით გიორგი ბერიძე დატოვებს. კლუბის ტექნიკური დირექტორის, ისმეტ ტაშდემირის თქმით, ბერიძე მათ გეგმებში აღარ შედის.

CrystalSport-ის ცნობით, ბერიძის დამატება „ადანასპორს’’ სურდა, რომელიც პირველი ლიგის აუტსაიდერია. ბერიძემ ამ ვარიანტზე უარი თქვა.

თურქული მედია წერდა, რომ ბერიძე ბათუმის „დინამოსთან’’ მოლაპარაკებას აწარმოებდა. CrystalSport-ის ცნობით, ინფორმაცია ფეხბურთელის აჭარულ კლუბში გადასვლის შესახებ სიმართლეს არ შეესაბამება, ბერიძე „დინამოში’’ არ გადავა.

27 წლის მარცხენა გარემარბმა მიმდინარე სეზონში თურქეთის პირველ ლიგაში (რანგით მეორე ლიგა) 2 გოლი გაიტანა და 1 საგოლე პასი შეასრულა.

Transfermarkt-ის მონაცემებით, ბერიძის სატრანსფერო თანხა 800 000 ევროა.