ბრძოლა არ შედგება | თოფურიას მეტოქე ჩხუბს ჩაეხსნა
UFC-ში კოდი ჰადონი ტრავმის გამო ალექსანდრე თოფურიასთან ბრძოლას ჩაეხსნა. თოფურიას სადებიუტო ბრძოლა აღნიშნულ ორგანიზაციაში 9 თებერვალს უნდა შემდგარიყო. ამ ეტაპზე უცნობია ვინ იქნება თოფურიას პირველი მეტოქე.
ჰადონი თოფურიასთან ჩხუბს მოუთმენლად ელოდა და თოფურიასთან ბრძოლაზე ESPN-ს ინტერვიუ მისცა. 26 წლის მებრძოლმა ალექსანდრეს შესანიშნავი გრეპლერი უწოდა.
ალექსანდრე 28 წლისაა და ხუთიდან ხუთივე ბრძოლაში ფინიშით იმარჯვა, მისი ერთადერთი მარცხი კი 2015 წელს, ივო ივანოვთან იყო და ტექნიკური ნოკაუტით წააგო. ჰადონს რაც შეეხება, მას კარიერაში 9 ბრძოლა აქვს გამართული და მის ანგარიშზე 8 გამარჯვებაა. ჰადონი UFC-ის ოქტაგონზე უკვე გასულა და ოქტომბერში დენ არგეტა მსაჯების ერთსულოვანი გადაწყვეტილებით დაამარცხა.
