მამუკელაშვილის კარგი მატჩი - სპურსი ინდიანასთან დამარცხდა
NBA-ს რეგულარული სეზონის მორიგ ტურში სან ანტონიომ ინდიანას უმასპინძლა და დიდი ანგარიშით 98:136 დამარცხდა.
კარგი მატჩი ჰქონდა სანდრო მამუკელაშვილს, რომელმაც პარკეტზე 11 წუთი და 39 წამი დაყო. ამ პერიოდის განმავლობაში ქართველმა კალათბურთელმა 3 ქულა, 3 მოხსნა და 2 შედეგიანი გადაცემა მიითვალა.
აღსანიშნავია, რომ ორიდან ერთი გადაცემა საკმაოდ ეფექტური გამოვიდა და სანდრომ ვემბანიამას „ჩაატენინა“. ეპიზოდი იმდენად ეფექტური იყო, რომ სპურსის ტვიტერის გვერდმა მატჩის მიმდინარეობისას ვიდეოდ გამოაქვეყნა.
MAMU TO WEMBY ???? pic.twitter.com/HCI8ucxAV9
— San Antonio Spurs (@spurs) January 25, 2025
მამუკელაშვილმა არასრული 12 წუთის განმავლობაში ერთხელ ისროლა 3-ქულიანი, თუმცა არაზუსტად. ორჯერ სცადა 2-ქულაინის ჩაგდება და ერთი გამოუვიდა. 2 საჯარიმო ტყორცნიდან კი 1 გამოუვიდა. 3 მოხსნიდან 2 საკუთარ ფარზე შეასრულა, ერთი მეტოქის.
შეგახსენებთ, რომ მიმდინარე სეზონში სან ანტონიო ცუდად გამოიყურება. 12 ტურის შემდეგ, სპურსი აღმოსავლეთ კონფერენციაში მე-12 ადგილს იკავებს.
