ჩემს სამფლობელოში ვერაფერს იზამს - დუ პლესმა მახაჩევს უპასუხა

UFC 311-ის მთავარ ბრძოლაში ისლამ მახაჩევმა ბრაზილიელი რენატო მოიკანოს დამარცხების შემდეგ გამართულ პრეს კონფერენციაზე საინტერესო განცხადებები გააკეთა. მან ორგანიზაციის აღმასრულებელ დირექტორს დენა უაითს მიმართა და აღნიშნა, რომ თუ ის შესთავაზებს, მზად იქნება სატიტულო ბრძოლა სხვა წონითი დივიზიონის ჩემპიონთან გამართოს და პირდაპირ დრიკუს დუ პლესი გამოიწვია, რაზეც სამხრეთ აფრიკელმა დაღესტნელს მალევე უპასუხა.

დრიკუს დუ პლესი

კარგია მახაჩევს ამხელა ამბიციები თუ აქვს, თუმცა მშვენივრად მოეხსენება, რომ ჯერჯერობით ამ ბრძოლას ვერ მიიღებს, ამიტომაც მისი განცხადება ყოველი შემთხვევისთვის ლაპარაკს ჰგავდა. თუ დადგება ის დრო, როდესაც ჩემს წონაში კონკურენტი აღარ მეყოლება, ისლამთან დაპირისპირება საინტერესო იქნება.

ის ვარჯიშობს ბუნებრივად საშუალო წონის მებრძოლებთან, მაგრამ UFC-ის საშუალო წონითი დივიზიონის ჩემპიონი მე ვარ და მას დავამარცხებ. მახაჩევი მსუბუქი წონითი დივიზიონის მეფეა, ჩემს სამფლობელოში კი შანსი არ ექნება, რადგან წონით საკმაოდ აღვემატები.

ცნობისათვის, დრიკუს დუ პლესი შონ სტირკლენდთან ბრძოლისთვის ემზადება, რომელიც ავსტრალიაში 8 თებერვალს, UFC 312-ზე შედგება და სამხრეთ აფრიკელი საჩემპიონო ქამრის დაცვას შეეცდება.