ჩელსის დონისგან შორს არის - მარესკამ მეკარე გააკრიტიკა
ინგლისის პრემიერლიგის XXIII ტურის ცენტრალური მატჩის წინ, სადაც „მანჩესტერ სიტი“ „ჩელსის“ უმასპინძლებს, „არისტოკრატების“ მთავარმა მწვრთნელმა ენცო მარესკამ გუნდის ძირითადი მეკარე რობერტ სანჩესი მკაცრად გააკრიტიკა. მიმდინარე სეზონში 27 წლის ესპანელმა მეკარემ უკვე ოთხი ისეთი შეცდომა დაუშვა, რამაც მისი გუნდის კარში გოლი მოიტანა. აქედან გამომდინარე, მის მიმართ „ლურჯების“ დამრიგებლის პრეტენზიები ალოგიკური სულაც არ უნდა იყოს.
ენცო მარესკა
ბოლო მატჩებში მას ფანებმა უსტვინეს, რაც მისი ფსიქოლოგიური მდგომარეობისთვის კარგი არ უნდა იყოს, თუმცა რობერტი პროფესიონალია, რომელმაც დაშვებული შეცდომებისგან სათანადო დასკვნები უნდა გააკეთოს.
მასთან პირადად არ მისაუბრია, რადგან ვთვლი, რომ მსგავსი სიტუაციებიდან თავის დაძვრენა თავად უნდა ისწავლოს. წლევანდელ სეზონში გუნდის ნომერი პირველი მეკარე სწორედ ის იქნება, მაგრამ გრძელვადიან პერსპექტივაში მეეჭვება, რადგან სანჩესის სათამაშო დონე ჩემდა სამწუხაროდ „ჩელსის“ დონეს არ შეესაბამება.
22 ტურში დაგროვებული 40 ქულით „ჩელსი“ ინგლისის პრემიერ ლიგის სატურნირო ცხრილში მეოთხე ადგილზეა და ლიდერ „ლივერპულს“, რომელსაც მატჩით ნაკლები აქვს გამართული, 10 ქულით ჩამორჩება.
