„ხანდახან ძალიან მაღიზიანებს“ - ჰოლანდმა გუარდიოლაზე ისაუბრა

ინგლისის პრემიერ ლიგის წლევანდელი სეზონი ისევე როგორც „მანჩესტერ სიტისთვის“, კლუბის საუკეთესო ბომბარდირისთვისაც არაერთგვაროვანია. ერლინგ ჰოლანდს სტატისტიკურად ცუდი შედეგები არ  აქვს, თუმცა ჰქონდა სერიოზული ჩავარდნები და რამდენიმემატჩიანი უგოლო სერიები, რის გამოც ინგლისურ პრესას მისთვის კრიტიკა არ დაუკლია. რა აღიზიანებს თავად პერიოდულად, ამაზე ნორვეგიელმა ფორვარდმა საინტერესო პასუხი გასცა.

ერლინგ ჰოლანდი

ხანდახან პეპ გუარდიოლა თავისი პედანტურობის გამო ძალიან მაღიზიანებს. მესმის, რომ მთავარი მწვრთნელია, დიდი პასუხისმგებლობა აქვს აღებული, მაგრამ როგორც ის იქცევა, აშკარად გადაჭარბებულია. უმცირეს დეტალებსაც კი უდიდეს ყურადღებას აქცევს. როგორც ვარჯიშების, ასევე თამაშების დროს, 20-ჯერ მაინც გვეუბნება: „გააკეთეს ეს, გააკეთე ეს, გააკეთე ეს“. ყოველივე ამის მერე არაფერი დამრჩენია გარდა იმისა, რომ ხანდახან უხეშად ვუპასუხო: „ვაკეთებ, ვაკეთებ“.

22 ტურში გატანილი 17 გოლით ერლინგ ჰოლანდი პრემიერ ლიგის ბომბარდირთა დავაში მეორე ადგილზეა და ლიდერ მოჰამედ სალაჰს მხოლოდ ერთი ბურთით ჩამორჩება, თუმცა „ლივერპულს“ „მანჩესტერ სიტისთან“ შედარებით მატჩით ნაკლები აქვს გამართული.