„შენი აზრები შენთვის შეინახე“ - კარმელო პიპენს დაუპირისპირდა
„რომელი უფრო დიდი სპორტსმენია, ლებრონ ჯეიმსი თუ მაიკლ ჯორდანი“ - ასეთი კითხვით მიმართეს სკოტი პიპენს და ამ უკანასკნელის პასუხმა დიდი ხმაური გამოიწვია. მან აღნიშნა, რომ მისთვის ყველა დროის საუკეთესო არც მაიკლია და არც ლებრონი, არამედ მეჯიქ ჯონსონი, რის გამოც ყველა ვარსკვლავის მატჩის 10-გზის მონაწილისგან, კარმელო ენტონისგან სერიოზული კრიტიკა დაიმსახურა.
რას ამბობს ენტონი
სკოტი, შეეშვი ლებრონს და შენი აზრები შენთვის შეინახე. გავიგეთ ყველამ, უკვე დიდი ხანია გავიგეთ, რომ მეჯიქს აფასებ, თუმცა ყველაზე დიდი კალათბურთელები, ვისაც ოდესმე NBA-ში უთამაშიათ, ჯეიმსი და ჯორდანი არიან. დამიჯერე, ლებრონი ოდნავადაც არ ინერვიულებს იმაზე, რომ არაფრად არ თვლი. პირიქით, შესაძლოა შენს შესახებ საერთოდ არაფერი არ იცის.
ცნობისათვის, პიპენმა მეჯიქი ჯორდანი-ლებრონის დუეტს იმ უბრალო მიზეზის გამო ამჯობინა, რომ მისი თქმით, ჯონსონს ჰქონდა გუნდის წინამძღოლობის საოცარი თვისებები და მან „ლეიკერსი“ არაფრისგან საჩემპიონო გუნდად აქცია.
