დარიუში: „მახაჩევს მხოლოდ ჰოლოუეი შეაჩერებს“

ბევრი საუბრები მიდის იმის თაობაზე, თუ ვინ უნდა იყოს ისლამ მახაჩევის მომდევნო მეტოქე, რომელმაც UFC-ში ზედიზედ 15 ორთაბრძოლა მოიგო და საჩემპიონო ქამარი 4-ჯერ დაიცვა, რაც მსუბუქ წონით დივიზიონში ყველა დროის სარეკორდო მაჩვენებელია. თემასთან დაკავშირებით საკუთარი მოსაზრება ირანული წარმოშობის ამერიკელმა მებრძოლმა ბენეილ დარიუშმაც გამოთქვა, რომელიც UFC 311-ზე რენატო მოიკანოს უნდა შეხვედროდა, თუმცა ყველასთვის ცნობილი მიზეზების გამო ბრძოლა გაუუქმეს და კომპენსაციის სახით ორმაგი ჰონორარი გადაუხადეს.

ბენეილ დარიუში

ვინ შეაჩერებს ისლამ მახაჩევს? ჩემი აზრით, ამის გაკეთება მხოლოდ ჰოლოუეის შეუძლია. მაქსის გათიშვა და დანოკაუტება ურთულესია, არაჩვეულებრივი კარდიო აქვს, თავად უამრავ დარტყმებს ასრულებს და ყოველივე ეს ისლამისთვის ნამდვილი გამოცდა იქნება.

შეგახსენებთ, რომ მომდევნო ბრძოლის მოგების შემთხვევაშიც, ზედიზედ მოპოვებული გამარჯვებებით ისლამ მახაჩევი UFC-ში ანდერსონ სილვას (16) გაუთანაბრდება და მასზე წინ მხოლოდ ერთპიროვნული რეკორდსმენი ჯონ ჯონსი (20) იქნება.