ჯერ ვარსკვლავი არაა | პაულეტა კვარას წარმატებაში დარწმუნებულია

პსჟ-ს ლეგენდარულმა ფეხბურთელმა პედრო პაულეტამ ხვიჩა კვარაცხელიაზე ისაუბრა. პორტუგალიელის კომენტარს ფრანგული Cnews ავრცელებს.

პაულეტა: „კვარა დიდებული ფეხბურთელია. მას ძალიან კარგად ვიცნობ, მისი თამაში ევროპის ჩემპიონატზე ვნახე. ჯერ ვარსკვლავი არაა, მაგრამ შესანიშნავი ფეხბურთელია და ეს ყველაზე მნიშვნელოვანია.

ვარსკვლავს შესანიშნავი ფეხბურთელი მირჩევნია. დარწმუნებული ვარ, კვარას პსჟ-სთვის ბევრი რამის მოტანა შეუძლია’’.

შეგახსენებთ, რომ ქართველი ფეხბურთელი „პარი სენ-ჟერმენს“ რამდენიმე დღეა შეუერთდა და სადებიუტო შეხვედრას „რეიმსთან“ გამართავს. მატჩი თბილისის დროით, 26 იანვარს არის ჩანიშნული და 00:05-ზე დაიწყება.

ცნობისთვის, ხვიჩამ პარიზულ კლუბთან კონტრაქტი 2029 წლამდე გააფორმა და 7-ნომრიანი მაისურით იასპარეზებს. ცნობილი გამოცემების ინფორმაციით, „ნაპოლი“ მის სანაცვლოდ 70 მილიონ ევროს მიიღებს, რასაც ბონუსები დაემატება, კვარაცხელიას ხელფასი კი 9 მილიონ ევროს პლუს ბონუსები იქნება.