„თუ ბრიუგეს ვერ მოვუგებთ, ესე იგი პლეიოფს არ ვიმსახურებთ“ - გუარდიოლა
„მანჩესტერ სიტის“ მთავარმა მწვრთნელმა, პეპ გუარდიოლამ ჩემპიონთა ლიგაზე „პარი სენ-ჟერმენთან“ წაგებული მატჩი (2:4) შეაფასა.
პეპ გუარდიოლა:
„პირველ ტაიმში პსჟ-ს მომენტები ჰქონდა, ჩვენც გვქონდა ერთი-ორი მომენტი, მაგრამ ისინი გვჯობდნენ. 5 წუთში ორი გოლი გავიტანეთ, შემდეგ კი 5 წუთში ორი გოლი გავუშვით, რის შემდეგაც პარიზელებმა საკუთარი შესაძლებლობების დაიჯერეს. ისინი უფრო სწრაფად თამაშობდნენ და გვაჯობეს.
დღეს გაიმარჯვა მან, ვინც უფრო ძლიერი იყო. ჩვენ ბოლო შანსი გვექნება - საკუთარ კედლებში, „ბრიუგეს“ წინააღმდეგ. თუ ვერ მოვიგებთ, ესე იგი პლეიოფში გასვლას არ ვიმსახურებთ. ასეთია რეალობა: ჩვენ ვერ დავაგროვეთ საჭირო რაოდენობის ქულები და ეს უნდა მივიღოთ“.
ცნობისთვის, ჩემპიონთა ლიგაზე 7 მატჩის შემდეგ „ქალაქელებს“ 8 ქულა დაუგროვდათ. „მანჩესტერ სიტი“ სატურნირო ცხრილის 25-ე ადგილზეა. ბოლო ტურში პეპ გუარდიოლას გუნდი საკუთარ კედლებში „ბრიუგეს“ დაუპირისპირდება.
