„მას ისეთი სუპერძალა აქვს, რომლის ახსნაც შეუძლებელია“ - UFC-ის ლეგენდა მერაბზე

UFC-ის ლეგენდარულმა მებრძოლმა და დიდების დარბაზის წევრმა, ჩეილ სონენმა უმარ ნურმაგომედოვის წინააღმდეგ მერაბ დვალიშვილის პერფორმანსი შეაფასა და „მანქანას“ მიმართ აღფრთოვანება ვერ დამალა.

რას ამბობს სონენი:

„სუპერმსუბუქ წონით დივიზიონში ეს ყველაზე დომინანტური გამოსვლა იყო, რაც კი ოდესმე მინახავს. უმარმა პირველ რაუნდში ყველა უპირატესობა დაკარგა, მერაბმა კი პირიქით, თავისი უპირატესობის შეგროვება დაიწყო. მას ისეთი უნარები აქვს, რომლის სიტყვით ახსნაც უბრალოდ, შეუძლებელია. საოცარია, როგორც მუშაობს და საქმეს როგორც ასრულებს, ეს მისი დნმ არის. ეს მერაბის სუპერძალაა და მან ამის დემონსტრირება მესამე რაუნდიდან დაიწყო. ეს წარმოუდგენელია“.

ქართველმა „მანქანამ“ უმარ ნურმაგომედოვი ხუთრაუნდიან დაპირისპირებაში მსაჯების ერთსულოვანი გადაწყვეტილებით დაამარცხა და სუპერმსუბუქი წონითი დივიზიონის ჩემპიონის ქამარი დაიცვა. საგულისხმოა, რომ დვალიშვილმა უმარ ნურმაგომედოვს კარიერაში პირველი მარცხი აგემა.

მერაბ დვალიშვილს ნათქვამი აქვს, რომ 2025 წელს სამი ბრძოლის გამართვას გეგმავს. ერთი ბრძოლა „მანქამამ“ უმარ ნურმაგომედოვის წინააღმდეგ ჩაატარა, მომდევნო მეტოქე კი სავარაუდოდ, შონ ომალი, ან პიოტრ იანი იქნება. „მანქანა“ ორივე მებრძოლთან საჩხუბრად მზად არის.