მსოფლიოს ყველაზე ძვირადღირებული მეკარეების რეიტინგი | პირველზე მამარდაა
ცნობილი სპორტული გამოცემა PLANET FOOTBALL-ი მსოფლიოს ყველაზე ძვირადღირებული მეკარეების რეიტინგს აქვეყნებს, რომელშიც პირველ ადგილზე საქართველოს ნაკრების მეკარე, გიორგი მამარდაშვილი მოხვდა.
გამოცემა მამარდას 40 მილიონ ევროდ აფასებს. სრული რეიტინგი ასე გამოიყურება:
- გიორგი მამარდაშვილი - 40 მილიონი ევრო
- დიოგუ კოშტა - 40 მილიონი ევრო
- დავიდ რაია - 40 მილიონი ევრო
- გრეგორ კობელი - 40 მილიონი ევრო
- ჯანლუიჯი დონარუმა - 35 მილიონი ევრო
- გულიელმო ვიკარიო - 35 მილიონი ევრო
- ანდრე ონანა - 35 მილიონი ევრო
- მაიკ მენიო - 35 მილიონი ევრო
- ლუკას შევალიე - 30 მილიონი ევრო
- ედერსონი - 30 მილიონი ევრო
რას წერს გამოცემა მამარდაზე:
რეიტინგის სათავეში საქართველოს ნაკრების პირველი ნომერია, რომელიც ზაფხულში „ლივერპულს“ შეუერთდება. 2024 წელს კონტრაქტის გაფორმების შემდეგ გიორგი „ვალენსიაში“ იჯარით დარჩა და აგრძელებს იმის მტკიცებას, რომ ბოლო წელიწად-ნახევარია, ევროპის ერთ-ერთი საუკეთესო მეკარეა.
ყველამ ნახა მისი შთამბეჭდავი თამაში ევრო 2024-ზე, სადაც მამარდაშვილმა ჯგუფურ ეტაპზე მოგერიებების რეკორდი მოხსნა და მნიშვნელოვანი როლი ითამაშა საქართველოს ნაკრების მერვედფინალში გასვლაში.
2023-24 წლების სეზონში ის ლა ლიგის საუკეთესო მეკარე იყო და თავისუფლად შეუძლია „ენფილდზე“ პირველი ნომერი გახდეს და ძირითადი შემადგენლობიდან ამოაგდოს ალისონ ბეკერი, რომელიც ახლაც მსოფლიოს ერთ-ერთ საუკეთესო მეკარედ ითვლება.
