პორტუგალია, ოეირაშის ჩელენჯერი - ბასილაშვილი 1/8-ფინალში გავიდა
ავსტრალიის ღია პირველობაზე წაგების შემდეგ, ნიკოლოზ ბასილაშვილი პორტუგალიაში, ოეირაშის ჩელენჯერზე იღებს მონაწილეობას.
ქართველი ჩოგბურთელი ძირითად ბადეშია და პირველ წრეში გამოცდილ რადუ ალბოტს დაუპირისპირდა.
ბასილაშვილმა საკმაოდ დამაჯერებლად იასპარეზა და ორ სეტში 6:3 6:4 გაიმარჯვა. პირველ სეტში ნიკოლოზმა 1 ბრეიკი შეასრულა, რაც საკმარისი აღმოჩნდა.
მეორე სეტში მოთამაშეებმა პირველ 2 გეიმში ბრეიკები გაცვალეს. გადამწყვეტი უპირატესობა ნიკოლოზმა მეცხრე გეიმში მოიპოვა. რადუს ჩაწოდება მოიგერია და მეათე გეიმი უმარტივესად მოიგო.
მატჩის მიმდინარეობისას ბასილაშვილმა 6 ეისი შეასრულა. ATP-ის ცოცხალ რეიტინგში ის 315 ქულით 179-ე ადგილზე იმყოფება. ჩელენჯერის მოგების შემთხვევაში ქართველი ჩოგბურთელი 384 ქულას დააგროვებს და ტოპ 150-ში გარანტირებულად შევა.
