919 გოლი კარიერაში - რონალდუს დუბლი ალ ხალიჯთან
საუდის არაბეთის პრო ლიგის მორიგ ტურში ალ ნასრი ალ ხალიჯს ესტუმრა და მძიმე ბრძოლაში 3:1 დაამარცხა.
მორიგი სუპერ მატჩი ჩაატარა კრიშტიანუ რონალდუმ, რომელმაც ალ ხალიჯს დუბლი შეუსრულა.
ანგარიში 65-ე წუთზე სწორედ პორტუგალიელმა გახსნა, რასაც ფორტუნისმა მე-80 წუთზე უპასუხა და წონასწორობა აღადგინა. ზუსტად 1 წუთში მარსელ ბროზოვიჩის პასის შემდეგ, ალ ღანამ ალ ნასრი წინ გაიყვანა.
საბოლოო წერტილი კი 39 წლის რონალდუმ დასვა. კრიშტიანუმ გოლი მსაჯის მიერ კომპენსირებულ მე-8 წუთზე გაიტანა.
აღსანიშნავია, რომ რონალდუმ კარიერაში 919-ე გოლი გაიტანა. მიმდინარე სეზონში კი ყველა ტურნირზე ერთად 22 მატჩში 19 გოლი და 3 საგოლე პასი დაუგროვდა.
