როგორც მინიმუმ უცნაურია - ჰუკერი ცარუკიანის ტრავმაზე

UFC-ის ახალ ზელანდიელმა მებრძოლმა დენ ჰუკერმა საკმაოდ სკანდალური განცხადება გააკეთა. მან ეჭვი შეიტანა არმან ცარუკიანის გულწრფელობაში, რომელიც ისლამ მახაჩევთან სატიტულო ორთაბრძოლას შეხვედრამდე 24 საათით ადრე გამოეთიშა.

დენ ჰუკერი

 დიდი ხანია ამ სპორტში ვარ და ბევრი უცნაურობაც მომხდარა. თუმცა, არ მესმის, როგორ შეიძლება ბრძოლამდე 24 საათით ადრე ტრავმა მიიღო? ეს როგორც მინიმუმ ძალიან უცნაურია.

წარმოიდგინეთ, უეცრად იღებ დაზიანებას, რომლის გამოც მთელი ცხოვრების ოცნებაზე უარის თქმა გიწევს. მას წინ ელოდა სატიტულო შეხვედრა, ყველაზე მნიშვნელოვანი ბრძოლა მის კარიერაში და ეს ყველაფერი ხელიდან გაუშვა.

დენა უაითმა უკვე თქვა, რომ ცარუკიანის მომდევნო დაპირისპირება ქამრისთვის არ იქნება. რას ვიზამთ, ზურგის ტრავმა აქვს და მდიდარი მამა მას ახალ ხერხემალს ვერ უყიდის. საერთოდაც, არმანს მეტოქის პოვნა გაუჭირდება, რადგან უკვე ყველამ იცის, რომ მას უკანასკნელ მომენტში უცნაური გამოხდომები ახასიათებს.

უკვე ცნობილია, რომ დენ ჰუკერი UFC 313-ის ფარგლებში 8 მარტს იჩხუბესბს და მსუბუქ წონით დივიზიონში მისი მეტოქე ჯასტინ გეიჯი იქნება.