მოურინიომ საკუთარი ღვინო გამოუშვა

„პორტუს“, „ჩელსის“, „რეალისა“ და „მანჩესტერ იუნაიტედის“ ყოფილმა მთავარმა მწვრთნელმა, ჟოზე მოურინიომ განაცხადა, რომ ღვინის წარმოება დაიწყო.

The Special One - ასე ჰქვია ღვინოს, რომელიც პორტუგალიელმა სპეციალისტმა გამოუშვა. 1 ბოთლის ღირებულება 120 ევროა.

„როგორც ადამიანი, რომელიც აფასებს სიზუსტეს, ხარისხსა და სრულყოფილებას ყველა საქმეში, სიამაყით წარმოგიდგენთ საკუთარ ღვინოს - The Special One-ს. ეს ღვინო შეიქმნა იმისთვის, რომ განსაკუთრებულ ადამიანს გაუზიაროთ“, - ამბობს მოურინიო ვიდეოში, რომელიც Instagram-ზე გამოაქვეყნა.

შეგახსენებთ, რომ 61 წლის სპეციალისტი ამჟამად თურქულ „ფენერბაჰჩეს“ წვრთნის.