სინერი და შვიონტეკი - 2024 წლის მსოფლიო ჩემპიონები

2024 წელს გამართულ ტურნირებზე ნაჩვენები შედეგების შეჯამების შემდეგ, ჩოგბურთის საერთაშორისო ფედერაციამ მსოფლიოს ჩემპიონები დაასახელა და მამაკაცთა შორის იანიკ სინერი, ხოლო ქალებში იგა შვიონტეკი გამოარჩია, რომლებიც მოცემულ ეტაპზე მსოფლიო რეიტინგშიც მოწინავე პოზიციებზე არიან.

სინერმა გასულ წელს ტიტული მოიგო, აქედან ორ დიდი სლემის შეჯიბრებაზე, ავსტრალიისა და ამერიკის ღია პირველობებზე გაიმარჯვა. ოქროს მედალი მოიპოვა სამ მასტერსზე, პირველი ადგილი დაიკავა წლის შემაჯამებელ ტურნირზე და იტალიის ნაკრების შემადგენლობაში დევისის თასის ჩემპიონი გახდა.

იტალიელზე სამით ნაკლები ჯილდოთი დაასრულა 2024 წელი იგა შვიონტეკმა, რომელიც როლან გაროსის ჩემპიონი გახდა და გარდა ამისა, კიდევ ოთხი პრესტიჟული შეჯიბრება მოიგო. პარიზში გამართულ ოლიმპიურ თამაშებზე კი პოლონელმა ბრინჯაოს მედალი მოიპოვა.

საინტერესოა ის ფაქტი, რომ 2024 წლის მსოფლიოს როგორც ერთი, ასევე მეორე ჩემპიონი დოპინგ-სკანდალში იყო გახვეული, თუმცა იტალიელი და პოლონელი ჩოგბურთელები სერიოზულ სასჯელს გადაურჩნენ.