„უბრალოდ მხეცი! მანქანა!“ - არმან ცარუკიანის რეაქცია მერაბის გამარჯვებაზე
UFC-ის მსუბუქი წონითი დივიზონის მებრძოლმა, არმან ცარუკიანმა მერაბ დვალიშვილს უმარ ნურმაგომედოვთან გამარჯვება სოციალურ ქსელში მიულოცა.
არმან ცარუკიანმა ოფიციალურ Instagram-გვერდზე ვიდეო გამოაქვეყნა, რომელშიც მსაჯების გადაწყვეტილების გამოცხადების შემდეგ, მისი რეაქციაა ნაჩვენები.
„კვლავ მერაბი! მანქანა! უბრალოდ მხეცი! უბრალოდ მანქანა! უბრალოდ მშვენიერი ბიჭი!“ - ამბობს არმან ცარუკიანი ვიდეოში.
ქართველმა „მანქანამ“ უმარ ნურმაგომედოვი ხუთრაუნდიან დაპირისპირებაში მსაჯების ერთსულოვანი გადაწყვეტილებით დაამარცხა და სუპერმსუბუქი წონითი დივიზიონის ჩემპიონის ქამარი დაიცვა. საგულისხმოა, რომ დვალიშვილმა უმარ ნურმაგომედოვს კარიერაში პირველი მარცხი აგემა.
საგულისხმოა, რომ მერაბთან ერთად, ამავე დღეს საჩემპიონო ბრძოლა არმან ცარუკიანსაც უნდა გაემართა, თუმცა, სომეხი მებრძოლი ისლამ მახაჩევთან ჩხუბს ზურგის ტრავმის გამო ჩაეხსნა.
